Փողոցում կենդանի շունչ չես նկատի :
Նստել եմ սենյակիս մեջ : Մարել եմ լույսը ,միացրել եմ սիրածս կատարողին և անթարթ նայում եմ գետնին ...մտովի վերլուծում եմ անցած երկու տարվա կյանքս ..
Երկու տարին կարծես բան չէ ,շատ քիչ ժամանակ է : Սակայն ինչեր ասես չտեսա այդ քիչ ժամանակի ընթհացքում : Տարբեր տեսակի մարդկանց , տարբեր աշխարահայացք : Քանի-քանի անգամ ուղի ընտրեցի և համարեցի այն անթերի և ճիշտ , սակայն ամեն անգամ դուրս գալուց այդ փոքր քառակուսուց հասկանում էի, որ այս սարերից այն կողմ էլի ու էլի քաղաքներ կան ...Շատ ու Շատ տաբուներ քանդվեցին և կառուցվեցին նորերը , շատ ու շատ գարեջրի սեղանների շուրջ նոր ընկերներ էին ծնվում և մարում մոմի նման :
Պարասրահի լույսերի , նարգիլայի բուրմունքի ներքո նոր սեր էի որոնում : Ուրախ էի նոր մարդկանցով, նոր մշակույթով : Թքած ունեի իմ նախկինում կառուցած անիմաստ վանդակի վրա : Այդ ժամանակ իսկապես ապրում էի ... հավատարմություն էի պահանջում , ինքս անհավատարիմ լինելով ,բայց սիրում էի ամբողջ սրտով...
Այնուհետև զգացի, որ կյանքիս անբաժան ընկերը դարձավ խմիչքով լի բաժակը ,բարձր երաժշտությունը և կեղծ ժպիտը : Ինձ թվում էր , Դա ինձ դուր էր գալիս ,դրա մեջ ես իմ քաոսային հոգու համար սփոփանք էի գտնում ...
Թողել էի նկարելս , այլևս ստեղծագործել չէի ցանկանում , մարդիկ գնալով ավելի ու ավելի էին ինձ հիասթախեցնում :Ինձ համար նրանք դարձան պրիմիտիվ , անհետաքրքիր և կանխատեսելի ...
Լռություն ... լռություն ... լռություն ...
Մութ սենյակ... Բարձրահասակ, նիհարիկ մի տղա գետնին է դնում աթոռը ,և նստում վրան : Ձեռքին նա ուներ գործիք , որը ջութակին շատ նման էր բայց ավելի մեծ : Լույսը ընկնում էր նրա նիհարիկ ձեռքերին , որոնք գրկել էին լարերը ... Հայացքի մեջ անյքան տխրություն կար, կարծես նա էլ ինձնից միայնակ է, և իր միակ ընկերը երաժշտությունն է ...
Այս ամենը տեղի ունեցավ հոգուս մեջ ,երբ հանդիպեցի նրան ,ով դարձավ իմ ՄՈւՍՍԱՆ ' ներշնչանքը: Նա, ով այնքան հարազատ ինձ դարձավ մի քանի օրում : Նա դարձավ իմ ամենալավ ընկերը , ստիպեց, որ ժպտամ ի սրտե , միշտ ուրախ լինեմ : Չգիտեմ ոնց բացատրեմ ,բայց երբ ես զգում եմ նրա ներկայությունը , մի տեսակ դրական աուռա, դրական լիցքեր եմ ունենում ... մի մարդ ում կարող եմ միայն գրկել և ոչ մի բան չխոսել ...
Գիտեմ , Նա էլ է միշտ ինքն իրեն այդ հարցը տալիս ,թէ ինչու եմ ես իրեն այդքան ուժգին սիրում ... Ես միայն կասեմ սիրում եմ , որովհետև դու իմ Մուսան ես , ստիպում ես որ ապրեմ , ստեղծագործեմ ... Դու նման ես քո գործիքին , քո հոգու երաժշտությունը ինձ հանգստացնում է ...
Գիտեմ , Նա էլ է միշտ ինքն իրեն այդ հարցը տալիս ,թէ ինչու եմ ես իրեն այդքան ուժգին սիրում ... Ես միայն կասեմ սիրում եմ , որովհետև դու իմ Մուսան ես , ստիպում ես որ ապրեմ , ստեղծագործեմ ... Դու նման ես քո գործիքին , քո հոգու երաժշտությունը ինձ հանգստացնում է ...
Комментариев нет:
Отправить комментарий